Einar Leif Nielsen, Rithöfundur

 Fyrst birt 25/08/2022 Ég hlustaði nýlega á nóvelluna Nightwings eftir Robert Silverberg. Hún er í grunninn ævintýri sem er sett í vísindasagna búning með álfum um umbreytingum (e. shapeshifters). Sú útgáfa sem ég las var skáldsagan Nightwings sem er samsett úr þremur nóvellum; Nightwings (1968), Perris Way (1968) og To Jorslem (1969). Sögurnar þrjár mynda eina heild þó augljóst sé hvar ein endar og sú næsta byrjar. Fyrsta sagan, Nightwings, fjallar um ferð þriggja einstaklinga til Rómar (Rum/Rúmar), samskipti þeirra og stöðu í samfélaginu. Sögursviðið er fjarlægð framtíð þar sem hnignun mannkyns hefur átt sér stað. Þetta er þó langt því að vera eins og í Mad Max . Í staðinn ferðast lesandinn til eins konar miðaldarsamfélgas sem er litað af framtíðartækni. Persónur eru settar í stéttir sem skilgreina hlutverk þeirra og stöðu í samfélaginu. Aðalsöguhetjan er sjáandi en hlutverk þeirra er að fylgist með himnunum í leit að vísbendingum fyrir væntanlega geimveruinnrás. Annar ferðalangu...

 Fyrst birt 17/08/2022 Tímavélin eftir H.G. Wells var gefin út árið 1895 og er eitt af tímamótaverkum vísindaskáldsagna. Sagan er nokkuð stutt og mætti jafnvel frekar kalla nóvellu en skáldsögu. Það gera hana þó auðvitað ekkert síðri enda einstaklega skemmtileg og langt á undan sinni samtíð. Bókin er rammasaga og fjallar um mann sem heldur matarboð. Maðurinn er aldrei nefndur á nafn og yfirleitt kallaður tímaferðalangurinn þegar verið er að fjalla um bókina. Hann segir gestunum frá tímaferðalögum sínum til fjarlægðar framtíðar ársins 802,701. Þar hefur mannkynið hefur þróast í tvær ólíkar tegundir Eloja og Morloka. Elojar eru afkomendur hástéttarinnar. Þeir lifa í vellistinum en hafa einn ótta Morloka. Þeir eru vitgrannir og nánast saklausir. Morlokarnir eru aftur á móti afkomendur lágstéttarinnar sem þurftu að dúsa öldum saman í verksmiðjum í iðrum jarðar. Þar hafa þeir breyst í skrímsli sem eiga lítið skilið við menn lengur og éta Elojana. Tímaferðalangurinn tekur sér stöðu með E...

 Fyrst birt 23/11/2021 Nýverið var ég að lesa bók um Hugo verðlaunin og virðast margir vera á því máli að smásagan A Rose for Ecclesiastes eftir Roger Zelazny hafi átt að sigra árið 1964. Sagan sem sigraði það ár var No Truce for Kings eftir Poul Anderson. Ég hef ekki lesið sigursöguna og get því ekki haft álit á hver átti að vinna. Á þessu tíma var ekki búið að skipta smásögu flokknum niður í smásögur, nóvellettur og nóvellur. Sú skipting kom síðar og er enn við líði í dag. Það er ansi ólíkt að lesa fimm þúsund orða smásögu og þrjátíuogfimm þúsund orða nóvellu svo það gæti eitthvað haft áhrif á hvor sagan vann. En ég er svo sem bara að geta mér til þar. A Rose for Ecclesiastes er skrifuð rétt þegar geimkapphlaupið er að hefjast og með síðustu sögum sem leyfir sér að ímynda sér siðmenningar á nágrannaplánetum okkar. Nokkuð sem var ómögulegt örfáum árum síðar þegar geimför eins og Viking og Mariner höfðu sannað að aðrar reikistjörnur sólkerfisins voru líklegast líflausir hnettir. Þa...

 Fyrst birt 24/09/2021 Bókin Do Androids Dream of Electric Sheep eftir Philip K. Dick var gefin út 1968. Hún vakti þó nokkra athygli á sínum tíma en nánast allar heimildir sem ég fann um bókina minntust líka á aðlögun Ridley Scott á bókinni, bíómyndina Blade Runner . Það má ræða hvort verkið sé áhrifameira bókin eða myndin. Do Androids Dream of Electric Sheep er ein fyrsta hljóðbókin sem ég hlustaði á. Þetta var árið 2005, fyrir tíma Audible og Storytel. Ég fann því eintak á Piratebay og hlustaði á það á iPod-inum mínum á leiðin í og úr skóla. Gallinn við þetta fyrirkomulag er að ég gerði mér enga grein fyrir að útgáfan sem ég hlustaði á var stytt. Ég fattaði þetta ekki fyrr en 2019 þegar ég fékk Masterworks útgáfu af bókinni í afmælisgjöf. Bókin gerist árið 1992 eftir World War Terminus (endastöðvastyrjöldina), í seinni útgáfum var ártalið fært til 2021. Flestir hafa flúið jörðina og þau fáu sem eftir eru lifa tómlegum heimi. Dick býr til heim þar sem eru raðir af stórum fjölbýlis...

 Fyrst birt 24/08/2021 Dálítið er síðan ég skellti í síðasta pistil en við fluttum hérna í Köben og fórum svo í sumarfrí þannig að það er búið að vera nóg um að vera. Nú er þó loksins komið að því að fjalla um næstu bók á listanum góða, sem er Foundation eftir Isaac Asimov. Árþúsundir í framtíðinni ríkir risavaxið keisaraveldi yfir allri vetrarbrautinni og uppruni mannkyns á Jörðinni er nánast gleymdur. Miðja veldisins er staðsett á plánetunni Trantor en þar er hver einasti fermetri byggður. Mannkynið dvelst neðanjarðar og einungis ferðamenn og skólabörn skoða yfirborðið. Í þessu framtíðarsamfélagi hefur vísindamaðurinn Hari Seldon uppgötvað nýja fræðigrein sem sameinar stærðfræði, félags-/sálfræði og mannkynssögu. Nýja fræðigreinin er kölluð sálarsagnfræði* (e. psychohistory). Hún nýtir tölfræðilegar aðferðir til að spá fyrir um hegðun samfélaga fram í tímann. Niðurstöður rannsókna Seldon sýna að keisaraveldi mannkyns riði að falli og ef ekkert er gert muni fallið leiða af sér þr...

 Fyrst birt 12/06/2021 Hvað gerist ef við fórnum öllu fyrir hamingjuna? Þar á meðal fjölskyldunni, fegurðinni og frelsinu. Er það þess virði? Þetta er spurningin sem Brave New World setur fram. Ekki nóg með það bókin sýnir okkur kosti þess og galla að búa í framtíðasamfélagi þar allir hafa fyrir fram ákveðið hlutverk en eru jafnframt sáttir með sitt hlutskipti. Brave New World eftir Aldous Huxley er í sjötta sæti listans . Bókin var gefin út 1932 og þykir klassísk verk bæði meðal vísindaskáldsagna og klassískra bókmennta. Brave New World, eða Veröld ný og góð var þýdd árið 1988 af Kristjáni Oddssyni. Útópía eins mans er distópía annars. Þetta er oft sagt þegar verið er að ræða distópíur en á sérstaklega vel við þegar Brave New World er annars vegar. Í upphafi bókarinnar er sagt frá hvernig mannfólk þessa framtíðarheims er búið til í tilraunaglösum og úthlutað stétt. Búið er að kortleggja alla fyrir fæðingu til að ákveða hvort þeim hentar betur fræðistörf, þjónustustörf eða verkaman...

Fyrst birt 27/05/2021 1984 eftir George Orwell er í fimmta sæti á listanum og jafnframt að mínu mati áhrifamest í bókmenntasögunni. Eins og flestir þá heyrði ég ungur um hugtakið Stóri Bróðir en ég las þó ekki bókina 1984 fyrr en undir tvítugt. Ég bjóst því við ansi miklu þegar ég greip hana í bókabúð á sólarströnd og hún stóð svo sannarlega undir væntingum. Bókin er samt ekki gallalaust verk og hef ég alltaf verði falari fyrir Fahrenheit 451 þegar distópíur eru annars vegar. 1984 er samt stórvirki í bókmenntasögunni og bók sem flestir ættu að lesa. 1984 býr til eintaka heimsmynd. Orwell, sem hét í raun Eric Arthur Blair, bjó til heim sem var í senn fjarlægur en jafnframt á næsta leiti ef samfélagið yrði ekki vart um sig. Í bókinni hefur heimsbyggðinni verið skipt upp í þrjú áhrifasvæði; Austur Asíu, Evrasíu og Ósíaníu. Ósíanía samanstendur af báðum Ameríkunum, Suður-Afríku, Eyjaálfu og Bretlandseyjum sem heita nú Flugbraut 1. Þar er Flokkurinn við stjórn og fylgist með öll og öl...

 Fyrst birt 17/05/2021 Í dag er útgáfudagur þriðju bókar minnar Silfurfossar . Þau ykkar sem hafið tækifæri til endilega hlustið. Ef þið hafið ekki aðgang má alltaf hlusta hljóðbrot á hlekknum ef þið eruð forvitinn. Unnsteinn Manuel Stefánsson les bókina og er ég mjög ánægður með hann sem upplesara. Alveg einstaklega ánægjulegt að hann hafði tekið að sér þetta verkefni. Hérna er örstutt um bókina: Árið 2067 taka glæparannsóknir skamman tíma vegna tæknilegra framfara. Kári er nýliði í lögreglunni á Hvolsvelli og starfið er fremur tilbreytingarsnautt. Það breytist þegar hann gengur óvænt inn á vettvang morðs á býlinu Silfurfossum. Morðingjanum virðist hafa tekist að afmá stafræn fótspor sín. Hin gamalreynda Árný verður bandamaður Kára í rannsókninni og saman komast þau að því að ekki er allt sem sýnist, hvorki hjá heimilisfólki né hjá vélmennunum sem á býlinu starfa. Válynd veður loka þau af á Silfurfossum og Kári og Árný lenda í kapphlaupi í tímann við að leysa málið. Silfurfossar e...

Fyrst birt 15/05/2021 Fjórða bókin á listanum er Fahrenheit 451 eftir Ray Bradbury sem er ein af mínum uppáhaldsbókum. Ég kynntist bókinni seint á táningsaldri en á þeim tíma var ég sólginn í fréttir um kvikmyndaframleiðslu. Ég hafði alltaf haft gaman af bíómyndum og með tilkomu Internetsins var allt slúðrið frá Hollywood rétt handan við lyklaborðið. Rétt fyrir aldamótin var greint frá því að Mel Gibson ætlaði að leikstýra aðlögun á klassísku vísindaskáldsögunni Fahrenheit 451. Á þessum tíma var hann einn vinsælasti leikari heims og hafði síðast leikstýrt Braveheart árið 1995. Fljótlega eftir þetta fór ég að sjá bókina víðs vegar í bókabúðum. Kápan var mjög áberandi með manni úr pappír sem var alelda. Á þessum tíma var ég sannfærður að kvikmyndaaðlögum jafngildi góðri bók. Ég varð mér því út um eintak og varð algerlega heillaður. Einungis Hobbitinn hefur haft meiri áhrif á mig en Fahrenheit 451. Eftir að ég hafði klárað bókina reyndi ég að leggja tilvitnanir á minnið, byrjaði að ...

Fyrst birt 09/05/2021 Tók talsvert lengri tíma að skrifa um þriðju bókina á listanum . Veit ekki af hverju, kannski er erfiðara að finna áhugaverðar staðreyndira um bók sem er svona stór hluti af almannavitund. Í fyrsta ensku tímanum í menntaskóla fékk ég blað með lesefni vetrarins. Hingað til höfðu leslistar í ensku verið fullir af þurrum námsbókum eða einföldum sögum en nú var eitthvað annað upp á teningnum. Þarna voru fjórar skáldsögur og allt kunnuglegir titlar: The Great Gatsby, To Kill a Mockingbird, The Hobbit og The Hitchhiker’s Guide to the Galaxy. Ég hefði heyrt um fyrstu tvær bækurnar en vissi ekki um hvað þær fjölluðu, Hobbittinn var uppáhaldsbókin mín á þessum tíma en ég var spenntastur fyrir Hitchhiker’s Guide. Tæpu ári áður hafði ég heyrt útvarpsþátt á RÁS 2 þar sem fjallaði um skáldsögu þar sem puttaferðalanga ferðuðust um vetrarbrautina með ferðahandbók. Ég hafði oft hugsað um bókina og þarna var hún komin, þessu yrði því ekki freistað lengur. Ég verð að viðurkenn...

Fyrst birt 28/04/2021 Eins og sagði frá í færslunni um Dune þá er áætlunin að skrifa nokkra pistla um bækurnar á þessum lista . Ég hef lesið nánast allar og sumar oftar en einu sinni og stefnan er að taka ein bók fyrir í hveri viku. Næsta bók sem ég ætla að fjalla um er Ender’s Game, sem er ein umdeildasta vísindaskáldsaga allra tíma, skiljanlega, en hún er jafnframt í fyrsta sæti listans (og er nb í fyrsta sæti á mörgum listum yfir SFF bækur). Ég ætla að byrja að ræða söguna og svo færa sig yfir í umdeildu atriðin. Ég las Ender’s Game rétt eftir aldamótin. Ég var staddur í Flórída og skellti ég mér í bókabúðina Barnes & Nobel. Innan um endalausa bókarekka fann ég bókarkápu með geimskipi og fyrir ofan voru tvær stjörnur sem tilgreindu að bókin hefði unnið bæði Hugo og Nebula verðlaunin. Á þeim tíma hafði ég heyrt um bæði verðlaunin en vissi lítið um þau. Þar sem búið var að skella þessu á kápunni á áberandi stað áleit ég að þetta væri gæðastimpill sem reyndist raunin því hafði...

 Fyrst birt 25/04/2021 Í dag ætlaði ég að pósta bloggi um aðra vísindaskáldsögu en ákvað að fresta því þar sem mín næsta skáldsaga Silfurfossar er komin í væntanlegt hjá Storytel! Bókin verður aðgengileg til hlustunnar 17 maí. en á sama dagi árið 1980 (fæðingar árið mitt) var Empire Strikes Back frumsýnd í Bandaríkjunum. Vísindaskáldsagan Silfurfossar er þriðja skáldsagan mín en bókin verður einungis fáanleg hjá Storytel þar sem hún var verkefni sem ég vann fyrir þau. Ég hlakka mikið til að deila bókinni með ykkur og vona að sem flestir hafi tækifæri til að hlusta. Þau ykkar sem eruð áhugasöm og eruð með áskrift hjá Storytel getið ýtt á hjartað og þannig vistað Silfurfossa í bókahillunni ykkar. Hérna er eilítið um bókina: Árið 2067 taka glæparannsóknir skamman tíma vegna tæknilegra framfara. Kári er nýliði í lögreglunni á Hvolsvelli og starfið er fremur tilbreytingarsnautt. Það breytist þegar hann gengur óvænt inn á vettvang morðs á býlinu Silfurfossum. Morðingjanum virðist hafa t...

 Fyrst birt 22/04/2021 Mig langaði að skrifa nokkra pistla um plötur sem höfðu áhrif á mig í gegnum tíðina. Hér er sá fyrsti. Fimm ára gamall sat ég í gula flauels sjónvarpssófa heimilisins og starði á dautt túbusjónvarpið. Árði var 1985 og mér leiddist. Á þannig stundum varð maður að finna sér eitthvað að gera en ég hafði ákveðið að gera ekkert og starði vongóður á sjónvarpið í von um að skjárinn myndiskyndilega kveikna til lífsins í formi He-Man teiknimynda. Þær voru í miklu uppáhaldi og að mínu mati alltof sjaldan í boði. En á skjánum var einungis spegilmynd af sjálfum mér að láta sér leiðast. Sjálvirki bílskúrshurðaropnarinn byrjaði að urra. Þar sem ég hefði ekkert betra að gáði ég hver var að koma heim. Ladan Sport jeppinn hans pabba rann inn í bílskúrinn og ég vinkaði hæ. Þennan laugardagsmorgun hafði pabbi verið á bæjum sem var alls ekki óvenjulegt. Mamma sagði að hann væri vís til að koma við á Slefossi þegar hann ætlaði að kaupa mjólk í Melabúðinni. Hann steig út úr bílnum...

 Fyrst birt 12/04/2021 Mig langaði að skrifa aðeins um 100 bestu Sci-Fi bækur 20. aldarinnar. Ég byrja ekki á bókinni í fyrsta sæti en mun skrifa um hana næst. Ég vona að og þetta og önnur verkefni haldi mér við efnið að blogga aðeins annað slagið. Líka gaman að rifja upp fortíðina með þessum bókum, þ.e. hvar og hvenær þær voru lesnar. Sumar mun ég lesa aftur en aðrar mun ég bara rifja upp eftir minni. Sumar eru frábærar og aðrar náði ekki til mín. En hvað um það, hér er stutt umfjöllun um Dune sem situr í örðu sæti á listanum . Nýlega las ég aftur Dune eftir Frank Herbert. Upphaflega ætlaði ég að bíða eftir nýju íslensku þýðingunni sem er væntanleg frá Partus en sökum Covid er vesen að fá póstsendingar til Kaupmannahafnar og tollurinn dýr. Auk þess eru fáir á ferðinni og því erfitt að dobbla fólk til að grípa með sér eintak (mér skilst líka að útgáfunni hafi verið frestað). Ég ákvað því að hlusta á hana og var mjög ánægður með framleiðsluna. Margir lesarar ljá persónunum raddir s...

 Fyrst published 22/12/2017 So I try to blog a little more and then do nothing for two weeks. Just goes to show that routine is a good way to get things done :) Anyway, I went to Iceland in early December with Guðrún (ð is read like the "th" in "the"). It was great. Met lots of friends and family. We were super busy on account of meeting all of those friends and family. So we arrived back in Copenhagen super tired. But it was a nice trip and great to meet everyone before the holidays. I was hoping for a quiet time until Christmas but unfortunately, that was not the case. We are moving to a bigger apartment on the 27th so we have been packing and going to IKEA (I sometimes feel like that store feeds on the energy of its customers). So everything should be ready for the big move and we are super excited. Meanwhile, I've been writing a bunch for Ideanote which is great. I formed a writing group with friends so I hope to get more things done in 2018. I am juggling w...

 Fyrst published 10/12/2017 In the past, I blogged in Icelandic which was great but I think that I had too much ambition and made the whole thing more of a hassle than it was necessary. So, I´ve started again and I'm just trying to do more. That sometimes means some very short blogs but I'll also do some longer posts and everything in between. I just want to keep the website active and it is a great way to get your random thoughts and work out there. Some of my blogs might also be in Icelandic but if you are interested I'll translate them. So hope you like the site and please comment if you have any questions or comments.

 First published 08/12/2017:  I just started writing articles for Ideanote. You can read my first article here :)

 First published 07/12/2017:  Did this very nice interview with Charlie Jane Anders that was published on the website NineteenQuestions - check it out if you have the time :)

 First published 07/12/2017:  I published a short story called Fórnin (The Sacrifice) in Stína Tímarit last April. I now published 11 short stories in Iceland which is great and I'm so proud of it :). I am still sending stuff out to English markets but nothing, yet. I feel that trying the English markets is a great challenge. I learning so much, not only about the language but also about short stories and story structure in general. Absolutely love it. If you are thinking about doing the same and write SFF then I recommend you check out Clarkesworld . It is not the only short story market, there are many wonderful publications and you need to look at them all to find which one you love the most. But Clarkesworld is the most accessible with an app, a website, a podcast and a YouTube channel - so you are likely to find some platform that suits you :)

 First published 07/12/2017:  After living in Vancouver last winter [great city by the way :)] and studying creative writing at UBC, I am now living in Copenhagen. It is nice to back in Denmark, I got my master's in applied mathematics here in 2006. Although the city has changed a lot since 2006. I feel it is much more welcoming and international but maybe I'm just older. Right now I'm trying to build a career here but the plan is to write on the side. I'm crossing my fingers that I'll get a book published next year but nothing is certain. So, look forward to sharing new in the next year.

 First published 07/12/2017 You can check out this nice interview I did with Kij Johnson, Elisabeth Bear & Karin Tidbeck on the subject of short stories. It's up on The  Booksmugglers . I think that it turned out great and all of the authors had some great points so check it out if you have the chance.

 Fyrst birt 06/02/2014:  Var að skoða Goodreads síðuna fyrir The Lies of Locke Lamora og efsta gagnrýnin var eftir Patrick Rothfuss sem skrifaði The Name of the Wind (The Kingkiller Chronicle, #1) . Mér fannst það bara eitthvað svo skemmtilegt NB það gaf hann The Lies of Locke Lamora 5/5 sem er jákvætt því ég er að hlusta á hana og hún byrjar vel :)

 Fyrst birt 05/02/2014:  Kláraði að hlusta á We eftir Yevgeny Zamayatin er ein af fyrstu dystópínum sem var skirfið enda gefin út 1923. Bæði 1984 og Brave New World sækja mikið til þessarar bókar þó hinar séu frægari. Hún var skiljanlega bönnuð í Sovétríkjunum en ráðamönnum þar var illa við boðskap um frelsi einstaklingsins og mögulega byltingu enda átti október byltingin að vera sú síðasta. Sagan er klassísk dystópíu ástarsaga þar sem að einstaklingur sem er fastur í samfélagi sem bælir niður allt sem gerir hann mennskan verður ástfanginn. Hann kemst að því að aðrir hafa sömu tilfinningar og að heimurinn er ekki jafn einfaldur og ríkið vill meina. Bókin er áhugaverð lesning sérstaklega þegar hún er skoðuð í samhengi við aðrar dystópíur. Jafnframt þá á hún við sama vandamál og 1984 að glíma. Sagan og heimurinn er áhugaverður en það vantar eitthvað umpf. Aðalpersónur eru óáhugaverðar sem er skiljanlegt þar sem þær búa í bældum heimi. (3/5) Kláraði svo að lesa Deathbird Stories...

 Fyrst birt 03/02/2014:  Draumsverð eftir Kjartan Yngva Björnsson og Snæbjörn Brynjarsson er framhaldið af bókinni Hrafnsauga og hefst þar sem fyrri bókin endar. Við höldum áfram að fylgjast með Ragnari, Breka, Sirju og Nanúk. Hér fáum við líka að kynnast nýjum persónum sem búa víða í þessum ríka heimi höfundanna. Þetta mun verða mikil saga og erum við rétt svo að byrja í þessu ferðalagi. Ólíkt fyrri bókinni þá leyfir Draumsverð sér að staldra meira við í ævintýrinu sem gerir heiminn ríkari að mínu mati. Persónurnar vaxa frá því sem var í fyrri bók og verða eftirminnilegri. Ég hef gaman af því að fá að lesa alvöru íslenskan ævintýrabókabálk. Bókin er ekki alveg jafn straumlínulöguð og sú fyrri en stundum er það kostur. Mér finnst jákvætt að höfundar séu að skrifa sögu fyrir alla aldurshópa og hika ekki við að sína hið illa samhliða hinu góða. Endirinn er nokkuð skyndilegur en skilur lesandann eftir spenntan fyrir næsta hluta. Þó finnst sjálfum mér alltaf gott að fá ákveðna "l...

 Fyrst birt 29/01/2014:  Í dag kláraði ég að hlusta á Oryx & Crake eftir Margret Atwood og var rosalega hrifinn. Ég hafði áður lesið íslensku þýðinguna af Sögu þernunar sem mér fannst leiðinleg. Eftir að hafa lesið þessa sögu er ég að hugsa um að gefa Sögu þernunnar annan séns (að vísu í hljóðbók í þetta skipti). Oryx & Crake fjallar um Snowman, sem hét áður Jimmy, en hann býr í óhugnanlegri framtíðarauðn þar sem undarlegar mannlegar verur búa. Veröldin er full af kynlegum blendings verum (e. hybrids) sem honum stafar ógn af. Snowman segir okkur sögu sína og í leiðinni komumst við að því af hverju heimurinn fór til fjandans. Sagan er skemmtileg og ekki einungis innri mónólógur ens og Saga þernunnar. Hún er full af áhugaverðum og hrollvekjandi hugmyndum. Atwood kynnir okkur fyrir viðbjóðslegum hlutum framtíðarheims en án þess að ganga fram af okkur (hóst hóst Robert Heinlein). Sumt af því sem er í bókinni hef ég aldrei heyrt um áður en því miður of sjaldgæft í öðrum vís...

 Fyrst birt 27/01/2014:  Hlustaði nýlega á The Black Hole War eftir Leonard Susskind sem er einkar athyglisverð bók. Hún er vísindarit/ævisaga sem reynir að setja kenningarnar upp á sem einfaldastan hátt. Umfjöllunarefnið eru fræðideilur milli Susskind og Gerard Hooft annars vegar og Stephen Hawking hins vegar. Framan af er bókin skemmtileg en þegar líður á verða kenningarnar full flóknar. Í lokin var vissi ég varla hvað var að gerast og gafst upp þegar einungis hálftími var eftir. Ég mæli samt með bókinni þar sem hún setur flóknar hugmyndir upp á mjög aðgengilegan hátt. (4/5) Ég er núna að lesa Oryx & Crake eftir Atwood og Draumsverðið. Báðar skemmtilegar bækur sem þarf að skrifa um við tækifæri. Svo er alltaf verið að skrifa en vonandi kemur í ljós á næstu mánuðum hvaða stóra verkefni verður næst á ritvellinum. Í smásögum þarf ég að klára litla hrollvekju fyrir lok febrúar til að setja í næstu Rithringsbók. Að vísu þarf hún ekki að vera hrollvekja má líka vera dulúð en ...

 Fyrst birt 17/12/2013:  Þrátt fyrir að Íslendingar eigi ríka ævintýrahefð er afskaplega lítið af íslenskum skáldvekum til sem sækja í sagnahefð rithöfunda eins og J.R.R. Tolkien, Ursula K LeGuin eða George R. R. Martin. Hrafnsauga eftir Kjartan Yngva Björnsson og Snæbjörn Brynjarsson er metnaðarfull saga sem reynir að bæta úr þessu. Sagan býr til nýjan heim þar sem ýmiskonar furðuverur búa og leiðir lesandan ævintýralegt ferðalag. Þessi metnaðarfulla bók er þörf viðbót í íslenskan menningararf og býður upp á ferskan blæ sem hefur ekki áður verið til nema í þýðingum á verkum Tolkiens. Hún kom út fyrir jólin 2012 en síðan þá hefur framhald hennar Draumsverð og bókin Vargsöld , sem er í svipaðri sagnahefð, einnig komið út.  Í upphafi bókarinnar kynnumst við nokkrum unglingum af þjóðflokki Jana sem er þrýst út í spennandi atburðarás eftir að skrímsli ráðast á þorpið þeirra. Eftir það leggja söguhetjurnar, sem eru eltar af útsendurum hins illa, upp í ferðalag og bera meiri áb...

 Fyrst birt 05/11/2013:  Bossypants eftir Tinu Fey. Tina Fey er ein af fyndnustu grínistum samtímans og hefur náð gífurlegum árangri á sínu sviði. Hún fer vel yfir sögu sína í þessari bók og sínir skemmtilega mynd af sér. Hvernig hún lítur vinsældir sínar. Bakgrunnur hennar sem á lítið sameiginlega með fólki eins og Jerry Seinfeld og meira í ætt við Conan O‘Brian. Æska hennar og erfiðu árin sem flestir listamenn virðast ganga í gegnum. Hún segir frá lífinu í 30 Rock og hvernig það var að búa til þættina með saman nafni. Hún tók oft fram að bókin væri ekki ætluð fyrir karla en ég hafði alveg rosalega gaman af henni. Kannski er ég mjúkur inn við beinið eftir allt. Sérstaklega skemmtilegt var hvað henni fannst óeðlilegt að karlmenn væru að lesa bókina. Að lokum þakkaði hún okkur strákunum fyrir. Skil eiginlega ekki af hverja, hafði alveg einstaklega gaman af sögunum hennar.

 Fyrst 04/11/2013:  The Demon-Haunted World eftir Carl Sagan. Þessi bók gæti verið betur skrifuð en boðskapur hennar er ótrúlega mikilvægur. Eftir að hafa lesið hana finnst mér óskiljanlegt að hún sé ekki kenndi í skólum. Sagan fer hér yfir afleyðingar loddara og gervivísinda. Auk þess kennir hann hvernig sjá má í gegnum rök þeirra. Jafnvel þó að þú hafir gaman af hlutum eins og stjörnuspeki þá hvet ég alla til að lesa þessa bók. Sagan setur fram góð rök og fer vel yfir málið. Mestum tíma eyðir hann í samsæriskenningar um geimverur, sem voru vinsælar á þeim tíma sem bókin var skrifuð. Hægt er að heimfæra margt í bókinni í nútímasamfélag og hún góður grunnur fyrir spyrjandi huga. Get ekki mælt nógu mikið með þessari bók. Eitthvað sem allir eiga að lesa. 5/5

 Fyrst birt 14/10/2013:  The Angel Experiment (Maximum Ride #1) eftir James Patterson. Flestir þekkja eflaust nafnið James Patterson enda er hann þekktur fyrir að skrifa sakamála sögur um Alex Cross. Hér reynir hann fyrir sér að skrifa unglingabók (young adult) og tekst ágætlega til. Bókin byrjar að vísu frekar leiðinlega og ég var lengi að tengjast aðal persónu bókarinnar. Litlu munaði að ég gæfist upp á sögunni en seinni hlutinn er mun áhugaverðari svo mér tókst að klára gripinn. Sagan er klassísk nútímaævintýri um börn sem eru að hluta til með dýragen. Þau eru því gædd ómannlegum hæfileikum. Vondir vísindamenn vilja svo notfæra sér börnin. Þetta er allt eitthvað sem við höfum heyrt áður. Sagan er samt fín og margt verra til. Aðalpersónan og ung vinkona hennar eru minni stæðustu söguhetjurnar. Stjúpfaðir þeirri er líka áhugaverður en aðrir skila ekki eftir djúp spor. Man varla mikið eftir þeim. Einn hét Fang og hann átti að vera sætur og brúding. Annar hét Gasman og prumpaði...

 Fyrst birt 06/10/2013 Hlustaði nýlega á Anathem eftir Neil Stephenson. Neil Stephenson varð frægur eftir sögu sína Snow Crash, sem er mjög góð. Eftir sem liðið hefur á frama hans hafa bækurnar lengst. Þær eru alltaf vel úthugsaðar og hann leggur mikla vinnu í þær. Gallinn er bara að Anathem er allt of löng. Hún byrjar mjög áhugarverð. Búinn er til heimur sem er fullmótaður og við fylgjumst með hópi af nokkurs konar tækni- eða vísindamunkum í klaustri á plánetu langt frá okkar eigin. Í gegnum bókina er farið í gegnum sögu þessa heims. Settar eru fram skilgreiningar og tilvísanir í sögu og tungumál. Til að byrja með er þetta skemmtilegt en svo fer bókin að vera löng. Þetta verður einhvern veginn of mikið. Ég hlustað á þessa bók og fannst erfitt að muna eftir öllum persónunum. Sumar er vissulega góðar og minnisstæðar. Aðrar eru bara svo smávægilegar í þessum doðranti að þær gleymast. Hugmyndin er samt góð. Þessi menning verður heimsótt af verum frá öðrum plánetum. Stephenson leggur m...

 Fyrst birt 02/10/2013:  Afsakið hvað það er langt síðan að ég setti eitthvað hérna inn. Hér er ein stutt bókarýni. Vona að þið njótið. Eins og allar bækur Dick þá er þessi skrítin. Frægur söngvari og þáttastjórnandi vaknar á ókunnugum stað. Enginn virðist þó muna eftir honum. Heimurinn virðist hafa gleymt honum, sem er slæmt þar hér er um að ræða Dystopíu. Þegnar þessara Bandaríkja framtíðarinnar verða ávallt að vera með skilríki á sér eða eiga hættu á að vera sendir í þrælabúðir. Persónur sögunnar eru ágætlega úthugsaðar. Ég man vel eftir þeim flestum og myndaði mér mynd af þeim í huganum. Dick setur hina lægstu í samfélaginu saman við háskóla fólk en þessir hópar enda í hinum áður nefndu þrælabúðum. Er höfundur þar líklega að reyna sína hvernig samfélagið vanmetur þessa hópa. Hann setur líka út á undarlegt líferni og siðferði hinna ofurríku. Flétta sjálf er undarlega leyst og myndi ég vilja kalla það Deus ex machina, þó aðrir gætu verið ósammála þeirri túlkun. Bókin er að m...

 Fyrst birt 13/08/2013:  Ég náði mér í eintak af bókinni Vargsöld í sumar eftir Þorstein Mar. Bókin er skemmtilega og mæli ég hiklaust með henni. Hún minnir mig á bækur eins og The Eye of the Beholder en fellur þó ekki í sömu Tolkien klisjur og sú bók. Hér er búinn til áhugaverður heimur sem virðist vera vel úthugsaður og mun ríkari en kemur fram í þessari einu bók. Því verður gaman að sjá hvað gerist í næstu bókum. Söguþráðurinn var spennandi og hélt alltaf áhuga mínum allan tíman. Fannst samt alltaf mun áhugaverðara að fylgjast með aðalpersónunni Ráðgríð þegar hún var í sveitum Norðmæri en þegar hún var í borginni. Hef einhverja hluta vegna alltaf heillast meira af þess háttar í ævintýraskáldskap. Textinn er góður og flæðir mjög vel. Lýsingar og persónur flottur. Sagan sjálf er frumleg og heillaði mig alveg. Þorsteinn sýnir okkur nægilega mikið af þessum heimi til að halda okkur spenntum fyrir framhaldið. Hún hentar vel fyrir alla þá sem hafa gaman af ævintýrabókum eins og L...

Fyrst birt 11/07/2013:  Alltof langt síðan er að ég skrifaði eitthvað á þessa blessuðu bloggsíðu. Þið getið kannski fyrirgefið það þar sem ég er búinn að vera duglegur að skrifa næstu bók ;). Þó hefur talsvert verið að gerast. Var viðtal við mig í Mogganum síðastliðinn (9/7/13) og ég skrifaði grein á Nörd norðursins um Richard Matheson. Einnig hef ég verið í fjölmörgum útvarpsviðtölum og skal skella þeim hérna inn á bloggið sem fyrst. En þar sem ég skrifað grein um Richard Matheson einn af mínum uppáhalds rithöfundum langaði mig að skella inn aðeins um þær útgáfur og tilvitnanir sem gerðar hafa verið í eina af hans frægustu sögum Matröð í 20.000 fetum (Nightmare at 20,000 ft). Upphaflega var sagan gerð að Twilight Zone þætti þar sem William Shatner var í hlutverki flugfarþegans. Þessi þáttur þykir einn af þeim betri sem gerðir voru í þessari klassísku sjónvarpsþáttaröð. Hér er stutt kynning. http://www.youtube.com/watch?v=827OGkGn_Kk Þegar að Twilight Zone: The Movie var gerð ...

Fyrst birt 11/06/2013: Ég er aðeins búinn að fara um að smella myndum af manni með bókinni. Hér sést ég í Nexus og Hagkaup Smáralind. Svo eru myndir af bókinni í Hagkaup Kringlunni og Hagkaup Skeifunni.

 Fyrst birt 13/06/2013:  Hyperion Cantos Í vikunni var ég að klára að lesa Rise of Edymion og kláraði þar með síðustu af fjórum í bókaflokknum um Hyperion eftir Dan Simmons. Fyrsta bókin var einstaklega skemmtileg og byggð upp talsvert öðruvísi en hinar þrjár. Gæðin minnka svo við hverja bók og er sú síðasta slökust. Ekki að Rise of Edymion sé leiðinleg hún á bara ekkert í fyrstu bókina, Hyperion, sem er stórkostleg. Heimur þessara bóka er einkar frumlegur og stórkostlegar lýsingar á umhverum, geimverum og faratækjum eru oft einkar skemmtilegar. Þessar bækur sækja mikið í smiðjum súrrealista vísindaskáldsagnanna eins og Ray Bradburry og William Burroughs, þar sem þær notast frekar við hið stórkostlega til að heilla lesandann heldur en vísindi. Helsti galli Hyperion bálksins er höfundur virðist ekki hafa haft nægilega skýra mynd af því hvert hann ætlaði með söguna þegar hann hóf ferðalagið. Endirinn klára þó alla helstu þræðina. Sjálfur hefur höfundur sagt að þetta séu í raun t...

 Fyrst birt 11/06/2013:  Fyrir stuttu síðan skrifaði ég grein á Nörd norðursins þar sem ég mældi með nokkrum bókum fyrir þá sem eru miklir unnendur vísindaskáldsagna. Þið getið lesið greininga hér ( http://nordnordursins.is/2013/05/visindaskaldsogur-fyrir-lengra-komna/ ). Í neðanmála greinarinnar mældi ég með nokkrum bókum án nánari umfjöllunar. Þar á meðal voru The Forever War eftir Joe Haldeman og The Mote in God‘s Eye eftir Niven og Purnelle. The Forever War er saga um mann sem berst fyrir mannfólkið í framtíðarheimi. Hann hoppar plánetu frá plánetu og berst við geimveru ógnvald sem ógnar mannkyninu. Þar sem að lögmál afstæðiskenningar Einsteins eru virt í þessum heimi þá líður alltaf gífurlega langur tími á Jörðinni meðan að söguhetja er í sendiförum sínum. Hann sér því hvernig samfélagið breytist á hundruð ára en fyrir honum er tími bara örfá ár. Athyglisverðar samfélagspælingar eru í sögunni og framhald hennar The Forever Peace er á leslistanum mínum í ár. Ég mæli því h...

 Fyrst birt 04/06/2013:  Í tilefni af útgáfu furðusagnanna Hvítir múrar borgarinnar eftir  Einar Leif Nielsen  og Vargsöld eftir  Þorsteinn Mar (þf) þá langar okkur í Rúnatý til að blása til útgáfuhófs í verslun Eymundsson í Austurstræti á föstudaginn kemur. Höfundar munu segja stuttlega frá verkum sínum, hægt verður að fá bækur áritaða og að sjálfsögðu verður boðið upp á léttar veitingar. Báðar bækurnar verða á flottu tilboði á meðan hófinu stendur. Staður: Eymundsson Austurstræðti Stund: Föstudagurinn 7. júní kl 17:30

 Fyrst birt 29/05/2013:  Skellti mér í Eymundsson með Gauti Sturlusyni og Jóhanni Pétri Magnússon Wium. Jói verlsaði meir að segja eintak af bókinni og fékk fyrsta eiginhandaritaða eintakið. Awesome!

 Fyrst birt 28/05/2013:  Hvítir múrar borgarinnar er komin út í kilju. Ég hef sjálfur fengið nokkur eintök og bókin er komin í sölu í Eymundsson Austurstræti. Henni verður svo dreift í bókabúðir á næstu dögum ásamt Vargsöld eftir Þorstein Mar. Skellti mér í búð

 Fyrst birt 13/05/2013:  Ég verslaði mér nokkrar bækur á Skinnu.is í síðustu viku í tilefni af afmæli síðunnar. Ég var fljótur að spóla í gegnum þær allar og var bara nokkuð sáttur með það sem ég keypti. Ein af þessum bókum var Flóttinn til skýjanna, sem er nýútkomin bók eftir Kristján Már Gunnarsson, hægt er að kaupa bókina hér . Þetta er ævintýrabók sem fellur undir tvo bókaflokka sem skilgreindir hafa verið erlendis. Annars vegar ‚ steampunk ‘ eða gufupönk og hins vegar ‚ alternative history‘ en það hugtak öllu erfiðra að þíða (eru þið nokkuð með hugmyndir?). Opinber lýsing á söguþræði bókarinnar er eftirfarandi: Sagan gerist árið 1407 e.kr. Rómverska heimsveldið féll aldrei heldur óx og dafnaði. Flugskip svífa um himininn og landamæri veldisins þenjast út. Umsátursástand myndast um borgina Bushehr sem hrindir af stað atburðum sem munu skekja stoðir veldisins. Segir sagan frá Trinius, sem er rómverskur og endar sem strandaglópur í borginni þegar umsátrið hefst. Hann tekur h...